歌詞

朋友 G 有日冇頭冇尾噉同我講：「Can u translate 僕が死のうと思ったのは the whole song into Chinese when u r free?」《僕が死のうと思ったのは》係中島美嘉2013年嘅歌，亦係我好中意嘅歌，然後冇認真做過翻譯嘅我就憑感覺譯咗做粵文，因為市面上好似都淨係見到規範中文。歌名我選擇咗譯做《我之所以想死咗佢》，希望保留返個死字，冇用比較常見嘅「一了百了」（雖然都幾好）。

另外其中有兩句係噉：

／／僕が死のうと思ったのは　誕生日に杏の花が咲いたから

我之所以想死咗佢　係因為生日撞正杏樹花開

その木漏れ日でうたた寝したら　虫の死骸と土になれるかな

日光散落喺葉隙之間，如果喺下面瞌著　會唔會就可以同啲昆蟲嘅殘骸一齊回歸大地／／

入面用咗「撞正」同「回歸」，我知道比較偏離原文，但最後覺得前者可以表達「對生嘅厭惡」而後者可以表達「對死嘅期盼」，好似更加切合首歌嘅內容。譯完自己發現多咗粵語嘅動詞真係好生動。仲有入面「木漏れ日」本來係一個名詞，指「照在樹木縫隙間的陽光」(wiki)，我覺得好繑口，譯做一句句子比較順。

唔知道翻譯有咩準則，好多時唔知道點樣揀，最後都係憑自我感覺良好完成，都多謝有啲朋友比過意見。

其實 G 仲好鼓勵性噉話，「But I just feel like it has so much potential that I want to know how tszming will write them」多謝，同埋都多謝嗰幾晚同粵語認真相處嘅時間，同自己習以為常嘅語言對話，會發現其實都唔係咁熟識粵語。仲有都多謝《迴響》收咗，全文載於《迴響》第十八期，頁2-4（2022年2月），大家可以支持吓，開心一件自娛嘅事都有住好人家。

－－－－－

首歌有兩個version都好好聽，每次聽 (1) 嗰個version都係好震憾。

中島美嘉《僕が死のうと思ったのは》

(1) MIKA NAKASHIMA CONCERT TOUR 2015 “THE BEST”〜DEARS & TEARS (DVD, 2015);

(2) THE FIRST TAKE (YouTube, 2021)