EP06 - 我係乜乜人我自豪？

簡介

除咗「我係香港人」之外，其實仲有好多「我係乜乜人」嘅講法。隨住唔同地方嘅地區報紙湧現，「地名＋人」呢個組合越黎越唔空洞，屯門人、沙田人、黃大仙人、大埔人。同時當每個「乜乜人」都係特別嘅時候，會唔會跌入一種「所有野都特別變相就係所有野都唔特別」嘅迷路？

我地討論連結，尤其係同地方嘅連結，並且介紹咗一篇關心「身份之外」嘅文章。

by 梓明、Kennedy

參考：

Brubaker, Rogers & Cooper, Frederick. 2000. “Beyond ‘identity’”. Theory and Society 29(1):1-47.

後記

唔知點解見到地區報湧現，就會有種莫名嘅開心。雖然我冇直接參與，亦都冇機會好仔細睇。可能係因為除咗發現自身同地方嘅連結之餘，亦見到同自身無關嘅地區上嘅連結。以前居留日本嘅時候，雖然好享受居住環境，但都係比唔上喺一個香港社區入面每個人都努力唔同人接觸但又無法完全保持距離嘅矛盾心情，好似隔離屋姨姨同你打招呼焗住要頹應佢，但又會試過有人幫自己撳住電梯門覺得好溫暖。喺人同人之間嘅縫隙周旋，喺同一個土地上各自靜默前行，身旁嘅人既礙眼但又難得，可能就係呢種若即若離成就咗我對於地區、對於香港嘅一種微妙嘅連結。