EP07 - 講時間嘅本質要講音樂？

簡介

對於時間嘅本質大致有兩種睇法，一種係「時空論」(Spacetime Thesis)，強調時間同空間嘅相似性，大致可以理解為「時間係空間向下一個維度嘅延伸」；另一種係「時間的動態理論」(The Dynamimc Theory of Time)，強調時間同空間嘅差異，當中包括「時間不可逆轉」，即時間有既定方向性，而空間就冇。喺呢個咁大嘅爭論入面，我地睇吓一個黎自「音樂」同埋「美學價值」嘅論據，點樣支持後一種講法。

by 梓明、Tony

－－－－－

參考：

Markosian, Ned. 2020. Sideways music. Analysis 80(1): 51-59.

後記

我地同時間打交道，但佢嘅本質係咩喺生活並唔重要，所以時間嘅本質，我覺得算係一個同自身保有一定距離嘅題目。唔似得現實入面嘅事，一係同自己冇關（所以唔關心），一係同自己太過相關（所以意見太多），跌入論證自己係啱嘅hidden agenda。我中途既覺得時間係第四維，時間就係空間嘅延伸，但同時又覺得時間同空間有根本性嘅唔同，不可逆嘅特性唔應該屬於維度討論入面。我覺得真正可怕嘅係，如果唔係咁樣靜靜坐喺傾一個鐘，我可以想像自己同人討論嘅時候，當人地講時間係第四維，我就會講時間不可逆；當人地講時間係不可逆，我就會講第四維，並且覺得自己喺兩場討論入面都講咗啱嘅野，而不自覺矛盾。過去，我究竟犯咗幾多次咁樣嘅錯呢。