EP08 - 或者我地都係流散嘅人

簡介

「流散者」係一個淒美嘅字，淒係因為睇唔清眼前路，美係因為永遠惦記身後身。流散嘅人遠離並且回望，凡再冇辦法接近嘅，都可能造就流散嘅意識，可以係對於國家、對於民族、甚至係過去嘅時間或者空間。當家非家，國非國，時不我與，此時此刻嘅你，又係咪一個流散嘅人？

by 梓明、Kennedy

參考：

Brubaker, Rogers. 2005. The “diaspora” diaspora, Ethnic and Racial Studies, 28:1, 1-19.

後記

「我從沒有出走，離別中有回望，無論多遠，始終有歸處。」我通常都係咁樣想像自己，或者我希望自己係一種咁樣既形象，透過詮釋將自己唔喺香港嘅事實變得浪漫，並從中得到慰藉。我又希望「流散」係生而為人嘅本質，因為我地都係被投擲到一個自由嘅世界，要時刻做決定，被迫遠離嗰個唔洗思考嘅境地，咁樣我就可以覺得「流散嘅唔淨止係我，仲係在座咁多位」。千迴百轉，講講吓講到近乎低吟而不自知。