EP11 - 講大話衰啲定誤導人衰啲？

簡介

厄人係衰，但點樣厄人會衰啲？如果你一定要厄人，你會想用真話厄人，定用假話厄人？如果你一定要俾人厄，你希望對方係用真話厄你，定用假話厄你？我地認真傾吓「講大話」同「誤導」嘅分別，比較吓呢兩個行為點樣有唔同嘅道德責任。

by 梓明、Tony

參考：

Webber, Jonathan. 2013. Liar! Analysis 73: 651–9

Rees, Clea F. 2014. Better lie! Analysis 74:59-64.

後記

講起「用假話去厄人」同「同真話去厄人」，有啲朋友會諗起「真小人」同「偽君子」嘅分別：好似厄人之餘又講假話就係做衰野做到底，反而用真話厄人就係衰唔晒。如果我地焗揀「真小人」同「偽君子」，好似「真小人」係比較受歡迎。個邏輯可能係：「一個人做更多嘅衰野」比唔上「一個人嘅行為無辦法被簡單定性」更可惡。的確「偽君子」嘅出現令到世界複雜咗好多，但似乎對於「偽君子」嘅厭惡係出於更個人嘅原因，而唔係針對「偽君子」嘅行為。今集入面中間講到「（用真話）誤導人」其實有時候會比「講大話」好，因為至少講真話未必會活埋真相（可能只係避開），而（成功嘅）大話就係真正意義上嘅封棺蓋土。喺真相越黎越被忽視嘅年化，我始終覺得寧願錯，但都唔可以假。