EP18 - 如果知識有定義

簡介

大草原上，你望到遠方有隻羊，然後你指住嗰度話：「嗰度有隻羊。」如果事實上嗰度真係有隻羊，咁「嗰度有隻羊」似乎就可以稱為（你嘅）知識。但如果實際上你指住嘅只係一舊似羊嘅石（即係你睇錯），咁明顯你就唔再擁有「嗰度有隻羊」嘅知識。又但係，如果咁啱舊石後面真係有隻羊呢？你算唔算擁有知識呢？

我地討論好出名嘅Gettier problem（葛梯爾問題），睇吓點樣釐定知識的定義。

by 梓明、Tony

參考：

Gettier, Edmund. 1963. Is Justified True Belief Knowledge? Analysis 23:121-123

後記

後段有講一個關於我面前嘅杯嘅例子：我望到我面前有一隻杯，我覺得我擁有「我面前有一隻杯」嘅知識。結合埋上次講知識可能會因為環境改變而改變，我地總共就有兩個方法去挑戰呢個（睇落咁明顯嘅）知識。第一種係透過「諗太多」：你點知你望到嘅杯係真實存在嘅呢，點知道隻杯唔係殘影？點知道唔係你嘅感官系統受到干擾？你有冇辦法排除所有可能性？第二種係透過「諗太少」：可能你真係望住隻杯嘅殘影，但咁啱殘影下又真係有隻杯（而你唔知），咁樣仲算唔算係知識？你淨係望到殘影咋喎？你好彩咋喎？我嘅生活從此可以不斷驅逐我（自覺）擁有嘅知識，並且繼續宣稱自己擁有知識。多謝tony，多謝哲學。