EP19 - 氣候轉變一直望住我地

簡介

幻想氣候轉變一直係一個獨立嘅個體，一直存在，後來終於得到人類對氣候轉變作為事實嘅承認，同時人類都承認咗自己嘅角色，並且體現喺拒絕一支飲管、開少一個鐘冷氣、買有能源標籤嘅電器上面。凡事種種，可以話係氣候轉變嘅具現進程終於延伸到人類身上，但與此同時，人嘅能動嘅空間亦都越黎越有限。

我地討論一個好古老嘅問題，但希望可以走一個遠路，從對面諗翻返黎，睇下點樣Thinking Like a Climate。

by 梓明、Kimberly

參考：

Knox, Hannah. 2015. Thinking like a climate. Distinktion: Journal of Social Theory, 16(1):91–109.

Knox, Hannah. 2020. Thinking Like a Climate: Governing a City in Times of Environmental Change. Duke University Press.

後記

好幾次之後先發現Kimberly一路分享緊嘅係一種非以人為中心嘅視覺。我一直都以為自己知道，但總係發現唔係好明Kimberly究竟想講咩。後來詳談過幾次之後，先發現好多時我換咗嘅只係「視野」，而唔係「視覺」，就好似搭飛機時有好唔同嘅視野（鳥瞰），但視覺仍然都係屬於人嘅視覺。或者係人用人嘅視覺睇野太自然，一時三刻唔知點樣放棄；又或者係人根本無辦法唔用人嘅視覺睇野，因為呢個就係一個天生嘅限制。但就算係後者都好，仍然都可以討論一個非人視覺究竟會睇到啲咩。我對於今次氣候轉變嘅微小理解就係，氣候轉變唔係人承認之後先存在嘅野，而係有咗人承認之後，氣候轉變作為事實終於得到人類世界（視覺）嘅承認同彰顯。我唔知呢種視覺可以帶畀我乜野，但我特別警剔對於無immediate relevance嘅野嘅隨便放棄。